ពេលទស្សនាស្រុកបន្ទាយស្រី ភ្ញៀវទេសចរណ៍នឹងរៀនសូត្របន្ថែមពីការរស់នៅ ការប្រកបមុខរបរចិញ្ចឹមជីវិត ដូចជាការប្រកបរបរកសិកម្មបែបបុរាណដែលអាចជាចំណីអារម្មណ៍ដ៏ប្លែកសម្រាប់ភ្ញៀវទេសចរណ៍ដែលមកពីប្រទេសមិនមែនស្ថិតនៅតំបន់ត្រូពិច។
ស្រុកបន្ទាយស្រីមានកសិដ្ឋានជាច្រើនកន្លែង។ កសិករភាគច្រើនដាំដុះដំណាំស្រូវតាមរដូវកាល ប៉ុន្តែភ្ញៀវទេសចរណ៍ចាប់អារម្មណ៍ចំពោះវដ្តនៃដំណើរការផលិតកម្មចាប់តាំងពីសាបព្រោះរហូតដល់ពេលប្រមូល ផល។ មិនតែប៉ុណ្ណោះ ស្រុកបន្ទាយស្រីក៏មានដំណាំផ្សេងទៀតផងដែរ រួមមាន ផ្លែឈើ និង ប្រភេទជី ផ្សេងៗដែលអាចដាំដុះនៅក្នុងតំបន់ត្រូពិចផងដែរ។ ចំការធំមួយក្នុងចំណោមចំការនានាក្នុងស្រុក គឺចំការស្រការនាគរីករាយ ដែលបានទទួលភ្ញៀវជាច្រើនក្នុងមួយឆ្នាំៗ។
ការផលិតស្ករត្នោតគឺជាសិប្បកម្មធុនតូចមួយនៅក្នុងស្រុកបន្ទាយស្រី ហើយដើមត្នោតនៅតែរក្សាជានិមិត្តរូបរបស់ព្រះរាជាណាចក្រកម្ពុជា។ ដំណើរការនៃការផលិតស្ករត្នោតកំពុងទទួលបានការចាប់អារម្មណ៍យ៉ាងច្រើនពីភ្ញៀវទេសចរណ៍ ទោះបីជាត្រូវមានមគ្គុទេសពន្យល់ដោយផ្ទាល់ពីដំណើរការផលិតនេះក៏ដោយ។ ស្ករផែនជាអាហារប្រចាំតំបន់ដែលឆ្ងាញ់ហើយពេញនិយមដែលបានផលិតចេញពីស្ករត្នោត ហើយថ្មីៗនេះក៏មានការផលិតស្ករត្នោតម៉្សៅផងដែរ។
រទេះគោនៅតែជាមធ្យោបាដឹកជញ្ជូននៅជនបទនៅឡើយ ហើយការសាកល្បងជិះរទេះគោ ធ្វើឲ្យភ្ញៀវទេសចរណ៍នឹងបានបទពិសោធន៍ពីរបៀបរស់នៅបែបបុរាណរបស់ប្រជាពលរដ្ឋជនបទផងដែរ។
