ផ្ទះស្នាក់ | Visit Banteay Srei

ផ្ទះស្នាក់គឺជាមធ្យោបាយមួយដើម្បីបញ្ជ្រាបការរៀនសូត្របន្ថែមអំពីការរស់នៅរបស់ប្រជាពលរដ្ឋតាម មូលដ្ឋាន នៅក្នុងព្រះរាជាណាចក្រកម្ពុជា ដោយគ្រាន់តែស្នាក់នៅជាមួយក្រុមគ្រួសារអ្នកភូមិណាមួយ។ ស្រុកបន្ទាយស្រីគឺជាកន្លែងដែលស័ក្តិសមបំផុតដើម្បីទទួលនូវបទពិសោធន៍ទាំងនេះតាមរយៈការស្នាក់នៅផ្ទះរបស់អ្នកស្រុកដែលមានចម្ងាយត្រឹមតែ២៥គីឡូម៉ែត្រប៉ុណ្ណោះពីទីក្រុងសៀមរាប។

Homestays - Banteay Srei District

នៅភូមិត្បែងមានផ្ទះស្នាក់ចំនួន១៥ផ្ទះ ស្ថិតនៅក្នុងភូមិដ៏ស្រស់ស្អាតមួយ ដែលភ្ញៀវនឹងទទួលបាន សេវាកម្មផ្សេងៗ និងចូលរួមសកម្មភាពសហគមន៍ជាច្រើន រួមបញ្ចូលទាំងការរៀនសូត្រពីការធ្វើស្រែ និងការដើរកំសាន្តនៅតាមភូមិជាដើម។

ផ្ទះស្នាក់បៃតង គឺជាចំការតូចមួយតែមានចិត្តទូលាយប្រកបដោយការស្វាគមន៍យ៉ាងយកចិត្តទុកដាក់ និងភាពកក់ក្តៅ។ ផ្ទះស្នាក់នេះ មានពីរបន្ទប់សម្រាប់ភ្ញៀវ និងមានទីវាលដ៏ធំសម្រាប់ការបោះតង់ផងដែរ។ នៅទីនោះ មានបន្លែស្រស់ៗពីចំការ ដែលភ្ញៀវអាចសម្រាកលំហែរកាយជាលក្ខណៈគ្រួសារ ពិចនិច ឬក៏បោះតង់ពិសេសសំរាប់សិស្ស និស្សិត ឬក៏សម្រាប់ក្រុមការងារដែលចង់បង្កើនស្មារតីការងារជាក្រុម។

សហគមន៍បាយ័នញញឹម មានផ្ទះស្នាក់ចំនួន៦ ដែលមានការរៀបចំ និងតុបតែងយ៉ាងល្អ។ ផ្ទះនីមួយៗធំទូលាយ មានទីតាំងនៅជិតប្រាសាទបន្ទាយស្រីទៀតផង។ គណៈកម្មាធិការសហគមន៍នេះ អាចរៀបចំ សេវាទេសចរណ៍ផ្សេងៗនៅក្នុងតំបន់នោះ ដូចជា ការឡើងភ្នំ មើលប្រាសាទដាច់ស្រយាលកណ្តាលព្រៃ ការជិះកង់កំសាន្ត និង ការជិះម៉ូតូធំ ជាដើម។

ផ្ទះស្នាក់លំដាប់ខ្ពស់ផ្សេងៗទៀតដែលទើបតែដំណើរការ ដូចជា ផ្ទះស្នាក់ភូមិធម្មជាតិ វីឡាបន្ទាយស្រី (Villa Banteaysrey) ផ្ទះស្នាក់ចក្រវាល (Mahendra Ecolodge) និងផ្ទះស្នាក់ភូមិធម្មជាតិរុនតាឯក។ ផ្ទះស្នាក់នៅភូមិធម្មជាតិ រុនតាឯក (Run Ta Ek Ecovillage) មានផ្ទះឈើបែបបុរាណ ចំនួន៦ខ្នង ដែលស្ថិតនៅទីតាំងផ្សេងៗគ្នា មានរចនាបទ និងទំហំប្រហាក់ប្រហែលគ្នា។

វីឡាបន្ទាយស្រីគឺជាវីឡាមួយដ៏ទំនើបដែលមានរបស់ប្រើប្រាស់ជាទីគាប់ចិត្ត និងប្រកបដោយផាសុខភាព ព្រមទាំងអាចមើលឃើញទេសភាពដ៏ស្រស់បំព្រងនៃភ្នំដីផងដែរ។ ផ្ទះស្នាក់ចក្រវាល គឺជាផ្ទះឈើមួយដ៏ប្រណិត និងស្រស់ស្អាត ហ៊ុំព័ទ្ធដោយចំការស្វាយ ហើយអាចមើលឃើញទេសភាពដ៏ស្រស់ស្អាតនៃភ្នំហប់ និង ភ្នំគូលេន។

ផ្ទះស្នាក់បែបសហគមន៍